Obxecto
Incentivar a demanda interna, isto é, de persoas residentes na Comunidade Autónoma de Galicia, de servizos turísticos prestados na devandita comunidade autónoma en períodos de estacionalidade, buscando, con isto, prolongar a actividade e dinamizar a economía e o emprego turístico.
Beneficiarios e requisitos
- Os establecementos de aloxamento turístico da Comunidade Autónoma de Galicia: establecementos hostaleiros, campamentos de turismo, establecementos de turismo rural, apartamentos turísticos, vivendas turísticas e albergues turísticos.
- As axencias de viaxes que teñan un centro de traballo na Comunidade Autónoma de Galicia e que desenvolvan as súas actividades dentro do sector turístico vinculado a Galicia e presten os servizos, actividades ou produtos vinculados a este programa na Comunidade Autónoma de Galicia.
En ambos os casos deberán estar dadas de alta no Rexistro de Empresas e Actividades Turísticas (REAT) no momento da publicación desta convocatoria e ter coñecemento da firma que se lles proporcionou no momento da alta no citado rexistro.
Prazo de adhesión
Desde hoxe, 20/10/2023, ata as 23:59 do 01/12/2023.
Data de descarga dos bonos para os usuarios: Os bonos estarán dispoñibles na web www.bonoturismo.gal para a súa descarga polas persoas usuarias desde as 09:00 horas do día 27 de outubro ata o 15 de decembro de 2023 e a súa validez estenderase ata o 25 de decembro de 2023.
Sistema de funcionamento dos bonos
1. A descarga dos bonos polas persoas usuarias realizarase na web www.bonoturismo.gal e, nese momento, entenderase preconcedida a axuda. Os bonos terán formato dixital a través dun código QR e estarán dispoñibles para a súa utilización nunha APP que permita realizar pagos (Wallet ou similar).
2. Para trocar os bonos e poder facer efectivos os descontos ás persoas usuarias, as persoas titulares de establecementos de aloxamento turístico e de axencias de viaxes terán que descargar no seu móbil a APP bonos turísticos.
3. No momento de abono do gasto correspondente ao aloxamento, as persoas titulares dos establecementos de aloxamento turístico e das axencias de viaxes terán que introducir na APP o importe e o concepto do gasto, aparecendo automaticamente o importe que se vai a cobrar (unha vez aplicado o desconto). Pola súa banda, as persoas usuarias deberán mostrar o seu bono en formato código QR e pagar, en efectivo ou con tarxeta, o importe final do gasto realizado.
Para máis información: https://sede.xunta.gal/detalle-procedemento?codtram=TU985F&ano=2023&numpub=1&lang=es
