04.09.2024. A Asociación Provincial de Empresarios de Hostalería e Turismo de Lugo (Apehl) anunciou no día de hoxe que mañá abre o prazo de inscricións para todos aqueles establecementos que queiran participar na décimo novena edición do Concurso de Tapas de Lugo.
19.08.2024. A Asociación Provincial de Empresarios de Hostalería e Turismo de Lugo (Apehl) abriu as portas do posto …E para comer, Lugo este sábado en Lisboa. Deu así comezo á promoción turística e gastronómica que fará da provincia nas saídas de etapa da Vuelta Ciclista a España, unha iniciativa que conta co apoio da Xunta de Galicia e coa colaboración de varios consellos reguladores e asociacións de produtores.
13.08.2024. A Asociación Provincial de Empresarios de Hostalería e Turismo de Lugo (Apehl), co apoio da Xunta de Galicia e a colaboración de varios consellos reguladores e asociacións de produtores, fará por duodécimo ano promoción turística e gastronómica da provincia nas saídas de etapa da Vuelta Ciclista a España, evento deportivo que dará comezo este sábado en Lisboa.
09.08.2024. A Asociación Provincial de Empresarios de Hostalería e Turismo de Lugo (Apehl) está finalizando os últimos preparativos para que o posto …E para comer, Lugo comece a súa viaxe por España e Portugal con La Vuelta Ciclista a España, unha iniciativa que se leva adiante grazas ao interese e colaboración da Xunta de Galicia. Para este duodécimo ano de promoción turística con La Vuelta contará cunha novidade e é que o seu colaborador Cafés Candelas entregoulle esta mañá un coche novo para que a ruta por estrada se faga moito máis amena.
31.07.2024. O Centro do Viño de Monforte de Lemos acolleu hoxe un acto no que a Asociación Provincial de Empresarios de Hostalería e Turismo de Lugo (Apehl) lle agradeceu publicamente ao atleta monfortino Adrián González Pallín o patrocinio desinteresado que fai da provincia alá onde compite.
29.07.2024. O prestixioso Centro Superior de Hostelería de Galicia, referente na formación en Dirección Hostaleira, Cociña e Gastronomía en Galicia e a nivel internacional, dispón de 11 bolsas exclusivas para o Curso Superior de Chef en Cociña e Pastelería, que cobren entre o 80 e o 50 % da matrícula e en todos os casos o 100 % do aloxamento.
16.07.2024. A Oficina de Turismo da Xunta de Galicia en Lugo acolleu esta mañá, como vén sendo habitual, un acto no que se deu a coñecer que o posto …E para comer, Lugo volverá estar en La Vuelta Ciclista a España por duodécimo ano.
Na presentación, participaron o presidente da Apehl, Cheché Real; o director de Turismo de Galicia, Xosé Manuel Merelles, e o director de La Vuelta, Javier Guillén, que estiveron acompañados de representantes dos diferentes colaboradores desta edición ...
10.07.2024. Trala celebración onte da VIII Gala Show Cooking na que se seleccionou o Mellor Cociñeiro de Tapas por Galicia, Cheché Real, presidente de Hostelería e Turismo de Galicia, confederación integrada polas asociacións provinciais de hostalería e turismo da Coruña, Lugo, Ourense e Pontevedra, lamentou esta mañá “a nomenclatura do devandito premio, xa que se debera falar do Mellor Cociñeiro de Tapas das Sete Cidades Galegas, pois neste certame só están representados cociñeiros destas sete localidades”.
21.06.2024. Tras todas as consultas recibidas en Apehl sobre os novos requisitos sanitarios para a prevención e o control da lexionelose, recollidos no Real Decreto 487/2022, do 21 de xuño, o próximo xoves, 27 de xuño, ás 11:30 h, a sede da Asociación en Lugo (C/Ramón Montenegro,15-entlo), acollerá unha charla sobre as principais implicacións e medidas que afectan ao noso sector impartida por responsables da empresa Plagostel, líder no sector de control de pragas e seguridade alimentaria.
21.06.2024. O próximo xoves, 27 de xuño, ás 11:00 horas, os locais de Apehl, en Lugo, (C/Ramón Montenegro, 15-entlo), contarán cun representante da empresa Afigal que informará a todos os interesados sobre os tipos de operacións que poden avalar.
