APEHL

TU503A. Axudas Establecementos Turísticos 2021

04.02.2021. DOGA Nº 23

Descrición
Subvencións para actuacións de mellora das infraestruturas dos establecementos turísticos de aloxamento e de restauración da Comunidade Autónoma de Galicia.

Prazo de solicitude
Desde o 04.02.2021 ata o 04.03.2021

Beneficiarios
Persoas físicas e pemes titulares de establecementos turísticos de aloxamento e de restauración inscritos no REAT.
Son actuacións subvencionables as que se realicen en calquera dos seguintes tipos de establecementos turísticos:

  • Os establecementos hostaleiros, campamentos de turismo, establecementos de turismo rural e albergues turísticos.
  • As empresas de restauración que se enmarquen dentro do grupo I do artigo 77 da Lei 7/2011, de 27 de outubro.

Requisitos principais do proxecto

  • Deberá acreditarse unha antigüidade da actividade turística de aloxamento e restauración no establecemento non inferior a 5 anos de alta no REAT.
  • Deberá acreditarse a propiedade dos inmobles ou predios obxecto da actuación.
  • Consideraranse actuacións subvencionables todas aquelas que se inicien a partir do 1 de xaneiro de 2021 e en ningún caso se admitirán nin facturas nin xustificantes de pago anteriores á devandita data.

Investimentos e gastos computables

  • Actuacións destinadas a mellorar as condicións de accesibilidade e supresión de barreiras arquitectónicas.
  • Obras destinadas á mellora das instalacións coa finalidade de obter certificacións de calidade, en especial a Q de Calidade Turística.
  • Actuacións destinadas á adaptación ás modificacións normativas e á mellora da clasificación do establecemento que supoñan un incremento de categoría.
  • Actuacións de renovación e modernización das instalacións e embelecemento do contorno da instalación.
  • Equipamentos mobles necesarios para o funcionamento.
  • Actuacións de mellora da climatización que favorezan a sustentabilidade coa implementación de medidas de aforro enerxético, así como a instalación ou mellora de sistemas de extracción e renovación do aire.
  • Actuacións de dixitalización dos sistemas de xestión e comercialización do establecemento.
  • Adaptación dos sistemas de seguridade e saúde na prestación de servizos.

Contía da axuda
En función da puntuación obtida, entre o 30 % e o 50 % dos gastos subvencionables.

Descargar documentación