TU500C.PROGRAMA I HOSTELERÍA
23.02.2021. DOGA Nº 36
Prazo de solicitude
Un mes desde o 24.02.2021 ou ata esgotamento do crédito.
Beneficiarios
1. Poderán ser persoas ou entidades beneficiarias as persoas traballadoras autónomas, persoa física ou con persoal contratado por conta allea ao seu cargo; as microempresas e as pemes do sector de hostalaría que cumpran estes requisitos:
-Ter domicilio fiscal en Galicia.
-Estar afectados os supostos de peche do establecemento, ou no caso de hoteis, hostais, casas rurais e outros tipos de aloxamentos, polo peche perimetral do concello nos que se sitúen, ditados pola autoridade sanitaria ou a autoridade competente delegada da Xunta de Galicia nas ordes e decretos que se relacionan:
Ou en calquera outra orde ou disposición, posterior ou simultánea, ditada pola autoridade sanitaria ou autoridade competente delegada da Comunidade Autónoma de Galicia nesta materia.
2. Aos efectos destas axudas, considéranse dentro do sector da hostalaría os hoteis, hostais, casas rurais e outros tipos de aloxamentos.
3. Así mesmo, aos efectos destas axudas entenderase que está afectado polo peche, aquel establecemento que non poida abrir ao público o interior do mesmo, independentemente do servizo en terrazas e do servizo de envío a domicilio ou recollida no local.
4. Dada a natureza extraordinaria, tanto das actuacións subvencionables destas bases reguladoras, como da situación de estado de alarma e emerxencia sanitaria da que derivan e que provocou que a maior parte de persoas autónomas e empresas solicitaran adiamento das súas obrigacións tributarias, fronte á Seguridade Social ou á Administración da Comunidade Autónoma, ou mesmo non poidan afrontar transitoriamente a súa satisfacción puntual, de acordo co establecido no artigo 10.2 da Lei 9/2007, de 13 de xuño, de subvencións de Galicia, exímese ás persoas beneficiarias desta subvención do requisito de atoparse ao corrente do cumprimento das obrigacións tributarias ou fronte á Seguridade Social ou fronte á Administración pública da Comunidade Autónoma, no momento da concesión da axuda e do pago do anticipo concedido, sempre que se dean as seguintes circunstancias que deberán acreditarse mediante a declaración responsable que figura como anexo I na presente orde:
1º. Que o conxunto das débedas tributarias, coa Seguridade Social e coa Administración pública da Comunidade Autónoma, da persoa beneficiaria, teñan un importe inferior ao do anticipo que lle corresponda pola axuda solicitada.
2º. Que a persoa beneficiaria obríguese a porse ao corrente do cumprimento das súas obrigacións tributarias, fronte á Seguridade Social, coa Administración pública da Comunidade Autónoma ou respecto das débedas pola orixe de reintegro, no prazo de 15 días naturais contados a partir do día en que recibise o anticipo, perdendo o dereito ao cobro total ou parcial da subvención e debendo proceder ao reintegro do anticipo en caso contrario.
Contía da axuda
1. O importe da axuda por establecemento determinarase en función da data de peche do mesmo, ou no caso de hoteis, hostais, casas rurais e outros tipos de aloxamentos pola data do peche perimetral do concello nos que se sitúen da seguinte maneira:
A mesma cantidade percibirán os hoteis, hostais, casas rurais e outros tipos de aloxamento cuxos concellos fosen obxecto de peche perimetral en virtude de dúas ou máis decretos dos comprendidos nos puntos a), c), e) e g) do artigo 18.1.
2. No caso dos establecementos que ocupen 10 persoas traballadoras ou máis de 10 incrementarase en 1.000 € a cantidade sinalada nos puntos anteriores.
3. As axudas concederanse para cada establecemento paralizado podendo ter a persoa beneficiaria máis dun establecemento con dereito á axuda. Deste xeito deberá presentarse unha única solicitude por titular e, no caso de ser titular de máis dun establecemento afectado polo peche das ordes citadas no artigo 18, nesa mesma solicitude figurarán todos os establecementos afectados polo peche dos que sexa titular.
