IN417E. Proxectos de aforro enerxético

21.04.2022. Subvencións para proxectos de aforro e eficiencia enerxética nas empresas dos sectores industria e servizos.

Código de procedemento IN417E.

DOG Núm. 66, 5 de abril de 2022.

Conceptos subvencionables

Proxectos de aforro e eficiencia no sector industrial ou servizos que xustifiquen un aforro enerxético do 20 % do consumo enerxético inicial (40 % para actuacións de iluminación e 5 % no caso de actuacións do proceso produtivo do sector industrial). Deben alcanzar un cociente de aforro enerxético anual de 0,4 kWh/€ de investimento elixible, que se reduce a 0,3 para medianas empresas e a 0,2 para pequenas.

O investimento mínimo para que a actuación sexa subvencionable debe ser de 10.000 euros.

Cada solicitude conterá un único proxecto técnico que pode constar dunha soa actuación ou varias actuacións homoxéneas a executar no mesmo emprazamento. Cada empresa poderá presentar unha ou máis solicitudes.

Beneficiarios

• As empresas legalmente constituídas e os empresarios autónomos que teñan domicilio social ou algún centro de traballo en Galicia, incluídos no sector servizos e industria. A efectos desta resolución considérase sector servizos as actividades incluídas nas seccións: G, H, I, J, L, M, N, O, P, Q, R, S, T ou U do CNAE 2009. Dentro do sector industrial serán subvencionables as empresas cuxo CNAE 2009 comece pola división da 07 a 39, excluídas as que comecen pola división 10.2 e 12.
• As empresas de servizos enerxéticos que xestionen total ou parcialmente instalacións consumidoras de enerxía e que o obxecto destes contratos sexa a consecución de aforro económico derivado dun menor consumo de enerxía. Os centros de consumo nos que se actúe deben estar situados en Galicia e corresponder a empresas incluídas no ámbito de aplicación indicado no apartado anterior.

Período de actuacións subvencionables

Considéranse actuacións subvencionables as realizadas unha vez efectuada a solicitude de axuda e a data límite para executar e xustificar o investimento será o 15 de setembro de 2022.

Contía da axuda

1. A contía da subvención será do 35 % do custo elixible da actuación. A intensidade da axuda incrementarase un 20 % no caso de axudas concedidas a pequenas empresas e un 10 % no caso de medianas empresas.
2. Establécese unha axuda máxima por proxecto de 500.000 euros.
3. A axuda máxima por empresa beneficiaria no conxunto da convocatoria será de 1.000.000,00 de euros.
4. En ningún caso o custo de adquisición dos gastos subvencionables poderá ser superior ao valor do comprado.

Prazo para a presentación da solicitude

O prazo de presentación de solicitudes comeza o día 19 de abril ás 9:00 h e finaliza o 3 de outubro de 2022.

--

Desde Apehl infórmase da modificación dos prazos da subvención para proxectos de mellora enerxética, dirixido a autónomos e pemes con actividade de comercio, hostalaría, artístico-recreativas e outros servizos (programa Bono Enerxía Peme), anualidade 2022 (código de procedemento IN417Z), no sentido seguinte:

O artigo 3.1 da resolución queda redactado da seguinte maneira:

«1. Serán subvencionables os gastos e investimentos realizados entre o 1 de xaneiro e o 20 de outubro de 2022, dentro do territorio da Comunidade Autónoma de Galicia».

O artigo 9.2 da resolución queda redactado da seguinte maneira:

«2. O prazo de presentación de solicitudes finalizará o 31 de agosto de 2022».

O artigo 25 da resolución queda redactado da seguinte maneira:

«A data límite para executar o proxecto e presentar a documentación justificativa dos investimentos será o 20 de outubro de 2022».

Descargar documentación