15.03.2021. Desde Apehl puxemos en marcha en redes sociais, en coordinación coa patronal nacional Hostalaría de España, da que formamos parte, a campaña 1 ano de loita con motivo do cumprimento dun ano de loita contra a pandemia da covid-19, na que o sector hostaleiro viuse e séguese vendo gravemente prexudicado.
Tanto é así que, ademais das publicacións feitas en redes, Hostelería de España celebrará mañá martes 16 de marzo diante do Tribunal Supremo en Madrid ás 10:30 h un acto simbólico coincidindo co aniversario da declaración do primeiro estado de alarma, no que participará en representación da provincia o presidente da Asociación Provincial de Empresarios de Hostalería e Turismo de Lugo (Apehl), Cheché Real.
Nestas ligazóns podes descargar as imaxes da campaña para compartilas nas túas redes sociais ou imprimir a cartelería e mostrala no establecemento. Ademais do cartel da campaña, deixamos á túa disposición a cartelería de agradecemento aos clientes.
