23.04.2020. Marcas de Restauración e Hostelería de España, organización empresarial na que está integrada a Asociación Provincial de Empresarios de Hostalería e Turismo de Lugo (Apehl), lamentan que o Goberno siga ignorando a grave situación pola que atravesa o sector, cuxas reclamacións foron excluídas no Real Decreto-lei 15/2020 de medidas urxentes complementarias para apoiar a economía e o emprego, aprobado o 21 de abril.
Non parece que a mellor maneira de apoiar ao emprego e á economía sexa non regular adecuadamente no sector a suspensión e acomodación dos alugueres de locais comerciais ás circunstancias excepcionais provocadas pola crise do Covid-19, tal e como solicitamos en reiteradas ocasións. No canto de adoptar medidas de axuda solidarias e de xusta equidade económica como fixeron países da nosa contorna (Francia, Italia ou Alemaña), o Goberno deixa desasistido ao colectivo que compón o tecido empresarial do país.
Instamos unha vez máis ao Goberno a adoptar medidas que supoñan un alivio nas cargas económicas ás que deben facer fronte os hostaleiros durante o peche por forza maior dos seus negocios, como é a exoneración do pago do aluguer e a súa adecuación ás circunstancias a curto prazo. Segundo un estudo de Bain e EY, os negocios de restauración teñen que facer fronte durante o seu cesamento de actividade a gastos fixos de entre 6 e 16 mil millóns de euros, o que supón un compromiso inasumible para os máis de 270.000 bares, restaurantes e cafetarías que conforman o sector.
Neste escenario de incerteza e crise profunda, a suspensión e acomodación proporcional da renda dos alugueres ás vendas, nulas neste momento e moi restrinxidas nun futuro próximo, é de especial necesidade para un sector de fráxil estrutura financeira e sen a capacidade de resistencia doutros sectores.
A simple moratoria do pago dos alugueres aprobada o pasado 21 de abril, lonxe de despexar as ameazas que afectan sobre miles de pequenas empresas, só fai aprazar uns meses a condena ao peche obrigado. Non é desatinado afirmar que se non se implementan as medidas que reclamamos, un 15 % das todas as empresas están abocadas á desaparición, o que supón máis de 40.000 pequenas e medianas empresas. Non será máis que a propia Administración do Estado pola súa xestión nesta crise a responsable directa da devandita situación, exposta ben pola súa inacción ou por medidas claramente deficientes na súa formulación básica.
Nesta situación apelamos á aplicación do artigo 1105 do Código Civil, que contempla o suposto de exoneración do pago de rendas por causas de "forza maior" e no seu caso a adecuación do pago de rendas proporcionais ás vendas reais no curto prazo. Por iso, solicitamos ao Goberno a aplicación da doutrina Rebus Sic Stantibus, pola que o arrendatario é exonerado do pago de alugueres ou rendas ante estas circunstancias de excepcionalidade.
A hostalería ten un forte peso na economía nacional, onde supón o 6,2% do PIB, empregando a máis de 1,7 millóns de persoas de maneira directa. A grave crise que vivimos pode supor un descenso na facturación de ata o 40 % no que queda de ano e un impacto negativo no emprego de até 680.000 postos no peor dos escenarios expostos, segundo datos do informe elaborado pola consultora Bain & Company e a firma de servizos profesionais EY.
Ademais, cabe resaltar que durante este período de crise leváronse a cabo múltiples iniciativas solidarias e de continuidade de prestación dun servizo esencial aínda cando o racional de negocio foi dubidoso.
Cremos, no entanto, que aínda estamos a tempo de que o Goberno aprecie a gravidade da encrucillada exposta á que nos enfrontamos e arbitre as medidas necesarias para evitar o mal maior. O esforzo financeiro para salvar a nosa hostalaría debe recaer entre todos os axentes implicados na actividade, única maneira de asegurar a pervivencia dos nosos establecementos e os postos de traballo.
Por todo iso, instamos o Goberno a que aplique o suposto de exoneración de rendas por causa de forza maior, de modo que o arrendatario sexa exonerado do pago de alugueres ou rendas desde a data de entrada en vigor do Estado de Alarma, e se adecúe un sistema de pago flexible de rendas, polo menos ata decembro de 2020, en xusta proporcionalidade ao potencial e expectativas de vendas do propio sector.
Para Carlos Pérez Tenorio, presidente de Marcas de Restauración, "Debemos facer gala do todos unidos para vencer ao virus e protexer ao país, que reza o lema desta crise e consideramos que debería ser aplicado de maneira solidaria e non deixar que algúns o perdamos todo mentres que outros aseguran as súas rendas. Non é de xustiza".
