Continuando coas accións de reivindicación ante a situación que está padecendo o sector da hostalería, informamos que a Asociación Provincial de Empresarios de Hostalería e Turismo de Lugo (Apehl) celebrará mañá, ás 11.00 horas, unha concentración fronte á Subdelegación do Goberno en Lugo para facerlle entrega á subdelegada do “Plan de rescate nacional”, dirixido ao Goberno central.
Así mesmo, e debido ás restricións de mobilidade e peche perimetral de moitas poboacións, no resto dos municipios da provincia de Lugo a concentración terá lugar á mesma hora fronte á casa consistorial de cada concello, respectivamente.
Desde a Apehl animámosvos a que participedes nesta nova mobilización que se leva a cabo en colaboración coa patronal nacional do sector, Hostelería de España, e que se realizará simultaneamente en todas as delegacións e subdelegacións territoriais do Estado.
Ademais, queremos facer público que esta Asociación está recibindo o apoio dos distribuidores e provedores de hostalería de toda a provincia de Lugo, así como dos produtores das distintas IXP e DO. Trátase, ao fin, dunha acción reivindicativa de todo o sector e a súa cadea de valor.
En todo momento se manterán as oportunas medidas de seguridade e se garantirá o mantemento da distancia de 1,5 metros entre asistentes, así como uso de máscaras.
#salvemosahostalería #salvemoslahostelería
