31.07.2024. O Centro do Viño de Monforte de Lemos acolleu hoxe un acto no que a Asociación Provincial de Empresarios de Hostalería e Turismo de Lugo (Apehl) lle agradeceu publicamente ao atleta monfortino Adrián González Pallín o patrocinio desinteresado que fai da provincia alá onde compite.
O presidente da Apehl, Cheché Real, asegura que “este deportista leva o noso slogan …E para comer, Lugo a todos os campionatos que vai e iso é de agradecer e de recoñecer”.
González Pallín participou este último ano en varios triatlóns de media e longa distancia, como a Copa Catalana, o Campionato de España de longa distancia ou o Ironman Vitoria, e en varios trails de montaña da liga catalana.
