24.02.2026. A Asociación Provincial de Empresarios de Hostalería e Turismo de Lugo (Apehl) organiza a décimo oitava edición do Estase Cocendo.
As Xornadas do Cocido da Ribeira Sacra celebraranse por toda a comarca, co patrocinio da Deputación de Lugo, as fins de semana do 7 de marzo ao 22 de marzo, ambos incluídos.
Como viña sendo habitual, o público poderá degustar o cocido do Estase Cocendo en establecementos hostaleiros das diferentes localidades da Ribeira Sacra e, ao longo do mes, algúns locais ofrecerán racións de cocido, menús do día ou pratos do día nas fins de semana. Tamén haberá prezos especiais en numerosos hoteis, pensións, casas de turismo rural, adegas e empresas turísticas.
O programa desta edición volverá contar con actividades xa habituais como as visitas guiadas por Monforte, a quedada de motos ou o Cocido das Meigas.
